Shqiptarët po mbajnë peng cilësinë e shërbimit turistik

Written by Irhan Jubica on Tuesday, 23 August 2016. Posted in Editorial

Kultura e turizmit do të fillojë të zhvillohet atëherë kur shërbimi dhe blerja e tij të barazojnë nivelin e cilësisë

Shqiptarët po mbajnë peng cilësinë e shërbimit turistik
Mbas 45 vjet filtrimi të vizitorëve që lejoheshin të hynin në parajsën e vetëshpallur komuniste, e gati 25 që prej ardhjes së turistëve "të parë", Shqipëria duket se ka ende të paqartë njërin prej treguesve përcaktues të ofertës së saj, po ashtu të paqartë turistike: cilësinë e shërbimit. 

Ferma Amalthia - bio-organikja që na mungonte

on Tuesday, 23 August 2016. Posted in Tradita

Produktet bio-organike gjithmonë e më shumë po gjejnë terren mes tokave dhe fermerëve shqiptarë, që po tentojnë të kthejnë sytë kah ushqimi i shëndetshëm

Ferma Amalthia - bio-organikja  që na mungonte

Nuk është një pamje që haset shpesh në të përditshmen tonë një qingj ose kec që pi qumësht 
me biberon, si të ishte një bebe. Nëse keni një lidhje të afërt me fshatin, mund edhe ta keni hasur por nëse jo, atëhere duhet patjetër të merrni rrugën drejt Durrësit. Dhe jo për të parë Amfiteatrin apo për të bërë një xhiro nga Vollga po për të shkuar në fshat, e konkretisht në Katund të Ri, ose siç quhet ndryshe ajo zonë e Shkozetit, Sektori Rinia, që të shikoni se si kecat e vegjël pijnë qumësht me biberon në fermën e re Amalthia.

Kroçera, kjo botë e vogël që udhëton

Written by Flora Xhemani Baba on Tuesday, 23 August 2016. Posted in Reportazh

Kroçerë, Kruazierë apo Kryqëzore? S`ka rëndësi kjo, e rëndësishme është që kjo shpikje e mrekullueshme është një djep ëndrrash, që përkund ëndërrimtarët bredharakë në çdo cep të globit

Kroçera, kjo botë e vogël që udhëton
Një përvojë e paharrueshme ku koha herë ndal e herë vrapon para teje, ku detet ia lënë vendin njëri-tjetrit, ku qytetet dhe bukuritë të kalojnë para syve marramendthi, aq sa nuk arrin të kuptosh nëse është një ëndërr që po rrëshqet mbi ujra, apo një realitet i bukur që do të mbarojë shpejt. Sot ngrysesh në Korfuz e nesër gdhin në tjetër port. Fle në Bari e zgjohesh në Venecia (ah, Venecia…). Ikën nga Chioggia e drekon në Dubrovnik… pastaj drejt atdheut, mes ujrash e ëndrrash që përmblidhen rrëmbyeshëm mbi këtë qytet të vogël e të bardhë lundrues që quhet Kaltëroshe. Ëndrrat është mirë të ëndërrohen por edhe të jetohen. Faleminderit Çeleste…. :)

Agrobiodiversiteti - Shqipëria ka nevojë të zhvillojë turizmin e eksperiencave

on Tuesday, 23 August 2016. Posted in Tradita

Projekti CABRA i GIZ, mundësi për eksplorimin e Alpeve shqiptare dhe mbrojtjen e agro-biodiversitetit si alternativë zhvillimi

Agrobiodiversiteti - Shqipëria ka nevojë të zhvillojë  turizmin e eksperiencave
Turizmi i natyrës në Shqipëri gjithnjë e më tepër po gjen një terren në rritje si për turistët e huaj, edhe për ata vendas. Ndonëse potenciali turistik i vendit përfshin një gamë të gjerë asetesh si bregdeti, trashëgimia kulturore, pasuritë natyrore me malet, liqenet dhe peisazhin  akoma pasuritë natyrore janë në fillesat e shfrytëzimit për turizëm, ndërkohë që në jo pak raste po shfrytëzohen në mënyrë jo të qëndrueshme nga ndërtimet, guroret, prerjet e drurëve, hidrocentralet.

Në treg numri i ri i Travel Magazine - Enjoy the Colours of Albania

on Tuesday, 23 August 2016. Posted in Lajme

Ky numër i ri, jo vetëm turizmi i detit por e gjithë Shqipëria turistike në 100 faqe të parezistueshme.

Në treg numri i ri i Travel Magazine - Enjoy the Colours of Albania
Vera është padyshim stina më e bukur dhe më e zhurmshme, për një vend mesdhetar si Shqipëria, ku në rreth 300 ditë me diell, më të ngjeshurat me fluksin turistik janë ato mes qershorit dhe gushtit. Por shenjat pozitive dhe shpresëdhënse për një shtyrje të këtij sezoni, e madje edhe për një përshpejtim të tij përpara qershorit, vijnë që përtej kufijve të Shqipërisë, prej nga ku operatorët shqiptarë dhe madje edhe operatorët e huaj po ndërtojnë paketat e qëndrueshme turistike që shtrihen nga maji e deri në tetor. Çka është e bukur tashmë verës, është edhe fakti që tashmë jo të gjithë vrapojnë drejt detit. Shqipëria, me Alpet e mahnitshme, me liqenet e thellë e të shumtë malorë e fushorë, me lumenjtë që ia hijeshojnë shtatin si fjongo të kaltra e të smeraldta, me shtigjet e pafundme, me shpellat misterioze, me ushqimin e shijshëm të fermave agroturistike e me një sërë turesh të aventurës, është kthyer tashmë në një destinacion gjithëpërfshirës që nuk të lejon të kalosh pushime të mërzitshme e monotone. Përjetoni pra, edhe në këtë numër të revistës Travel, larminë e pashoqe të argëtimit në këtë stinë e cila duket se nuk do të mbarojë aq shpejt!