Dymijëekatërmbëdhjeta ishte viti i Shqipërisë

Written by Flora Xhemani Baba on Friday, 09 January 2015. Posted in Fokus

Shqipëria pati një bum të madh përsa i përket promocionit dhe marketingut turistik

Dymijëekatërmbëdhjeta ishte viti i Shqipërisë

E thënë kështu, në mënyrë deklamative, kjo shprehje nuk i shpëton syrit të mprehtë të skepticistëve dhe nënqeshjes ironike të pesimistëve shpotitës, që përballë optimizmit që mbulon titullin, të të tundin para fytyrës statistikat kokëforta të turzmit “outgoing”, që natyrisht e kalojnë lirshëm dhe shumë herë shifrën e turistëve që hyjnë në Shqipëri ose thënë më gjuhën e turizmit; “incoming”Por 2014-a ishte vërtet viti i Shqipërisë, së paku përsa i përket promocionit dhe marketingut turistik, duke i shtuar kësaj edhe rritjen në mënyrë progresive të turistëve të huaj që hyjnë çdo vit në Shqipëri, kryesisht përgjatë sezonit të verës. Nuk po përpiqemi fare të themi nëse kjo rritje numri i detyrohet rritjes, fjala vjen, të shërbimeve apo të kapaciteteve pritëse të Shqipërisë. Le të themi që rritja vjen prej njohjes më të madhe të Shqipërisë prej të huajve nëpërmejt shumë burimeve tashmë, që të mbledhura bashkë përbejnë të tërën, Shqipërinë, jo më edhe aq të panjohur.

Në treg numri i ri i TRAVEL MAGAZINE - destinacionet më të mira dimërore në Shqipëri dhe rajon

on Sunday, 28 December 2014. Posted in Info

Rrëfime interesante, problematika aktuale, dhe një sërë rubrikash të reja ju presin në këtë numër të Dimrit 2014-2015

Në treg numri i ri i TRAVEL MAGAZINE - destinacionet më të mira dimërore në Shqipëri dhe rajon

 

ALBANIAN TRAVEL MAGAZINE
Numri i ri i revistës Travel me shumë destinacione për pushimet dimërore, ju pret në pikat kryesore të shtypit, në Shqipëri, Kosovë e Maqedoni.
Në numrin e ri të revistës Travel, do të lexoni:

 

Bashkia Përmet dhe komuna Çarshovë duan një Park Kombëtar në vend të digave në Lumin Vjosa

on Sunday, 28 December 2014. Posted in Lajme

Njoftim i përbashkët për shtyp i Riverwatch, EURONATUR dhe PPNEA

Bashkia Përmet dhe komuna Çarshovë duan një Park Kombëtar në vend të digave në Lumin Vjosa

Përmet, Vinë, Radolfzell, 19 dhjetor 2014. Të mërkurën dhe të enjten (dt. 17-18.12.2014) u zhvilluan diskutimet e para publike për të ardhmen e Luginës së Vjosës, në Çarshovë dhe Përmet në jug të Shqipërisë. Ndërsa planet zyrtare të qeverisë parashikojnë ndërtimin e tetë digave përgjatë gjithë lumit, kryetarët dhe populli i komuniteteve të prekura mbështesin idenë alternative të krijimit të një Parku Kombetar. Në këto takime u nënshkrua një deklaratë për të ndaluar projektet e digave dhe për të mbrojtur lumin si Park Kombëtar. "Takimet e Vjoses" do të vazhdojnë vitin e ardhshem me diskutime të ngjashme më komunitetet përgjatë lumit. 

Munella – një mal i vogël me pasuri të mëdha, mes Pukës e Mirditës

on Friday, 21 November 2014. Posted in Around

Misteret dhe bukuritë e të vetmit vend që strehon Rrëqebullin në Shqipëri

Munella – një mal i vogël me pasuri të mëdha, mes Pukës e Mirditës

 

Aleksandër Trajçe, PPNEA

Kur flasim për malet e Shqipërisë, vende si Alpet Shqiptare, Korabi, Tomorri dhe Gramozi, të vijnë ndërmend menjëherë për shkak të lartësivetë tyre madhështore dhe mrekullive natyrore që ato përfaqësojnë. Por shumë pak njerëz kanë dëgjuar për Munellën, në dukje një mal i vogël, por në të vërtetë shumë i spikatur, i cili shtrihet në kufirin e rretheve të Pukës dhe Mirditës në veri të Shqipërisë. Duke e parë nga larg Munella duket si një dhëmb i dalë mbi zonat kodrinore të ulëta përreth duke arritur lartësinë (jo shumë të vogël) të 1991 metrave. Munella është mjaft e izoluar - edhe pse kohët e fundit është bërë më e arritshme falë ndërtimit të autostradës Rrëshen-Kukës, përsëri mbetet një vend shumë i largët, i vështirë për t’u vizituar nga dikush jashtë zonës. Ky izolim i thellë gjeografik, ka qenë ndoshta arsyeja që regjimi i kaluar totalitar ndërtoi një nga burgjet më famëkeq dhe më të tmerrshëm të Shqipërisë, në një nga luginat e Munellës - burgun politik të Spaçit.

 

Stebleva - një bukuri e rrallë mes pyjeve të Librazhdit

on Saturday, 08 November 2014. Posted in Lajme, Around

Një udhëtim mes natyrës në Parkun Kombëtar "Shebenik-Jabllanicë"

Stebleva - një bukuri e rrallë mes pyjeve të Librazhdit

 

Nga Vilma Disha
Dikur e lënë në harresë, sot një perlë e paprekur e turizmit malor dhe natyrës piktoreske. Stebleva është një teatër natyror, një gërshetim i mahnitshëm i lëndinave, pyjeve, kodrinave, maleve dhe lumenjve. “Maja e Zezë” e cila ndodhet në lartësinë 2225 m mbi nivelin e detit, është maja më e lartë në këtë zonë. I dyti renditet mali i “Raducit”, me një lartësi  2084 m, i cili shtrihet në lindje të Steblevës. Stebleva përshkohet nga përrenj dhe kroje të shumtë, të cilët pasi grupohen, formojnë lumin  që në gjuhën e popullit quhet “ Zalli i Steblevës”. Pasi përshkon rrugën Borovë – Sebisht – Okshtun, në Gjoricë të Dibrës, ky lumë bashkohet me Drinin e Zi. Krahas bukurisë, florës dhe faunës së pasur, ky lumë karakterizohet edhe nga cilësia parësore e peshkut që rritet në këto ujra, “trofta me pika të kuqe”. Jo më pak kureshtje, zgjon dëshira për të vizituar  liqenin  karstik të malit të Draganit. Shkëmbinjtë monumentalë që e karakterizojnë, të gdhendur nga vetë natyra ndër shekuj, krijojnë një peisazh natyror vërtet  miklues.