Articles in Category: Lajme

Numri i i ri i Travel Magazine: Vlora top destinacioni i Verës 2019

on Monday, 08 July 2019. Posted in Lajme

Shijoni pushime shqiptare, nga Veriu në Jug të Atdheut!

Numri i i ri i Travel Magazine: Vlora top destinacioni i Verës 2019

Vera e vitit 2019 ka ardhur e nxehtë! Por revista Travel jo! Ajo është një buqetë  destinacionesh, që prej Veriut e deri në Jug, do t`ju freskojnë ndjeshëm e do t`ju bëjnë të shijoni një verë të paharrueshme!
Ndonëse kemi ofruar një listë të gjatë e plot shije, e themi pa ngurrim se zgjedhja jonë dhe mbretëresha e kësaj vere, është Vlora! Dhe ka plot arsye të jetë, arsye të cilat jua kemi listuar në brendësi të këtij numri, me një guidë të gjatë e të detajuar, ofruar në formën e një turi shtatëditor ku do t`i shijoni të gjitha.

Liqeni i Ohrit, tashmë pjesë e listës së pasurive botërore të UNESCO-s

on Saturday, 06 July 2019. Posted in Lajme

U votua në Baku, Azerbaxhan anëtarësimi i palës shqiptare në sitin më të madh të trashëgimisë natyrore

Liqeni i Ohrit, tashmë pjesë e listës së pasurive botërore të UNESCO-s

Nga Etleva Xhajanka

TIRANË, 6 korrik /ATSH/ – Pjesa shqiptare e rajonit të liqenit të Ohrit, tashmë është pjesë e listës së pasurive Botërore të UNESCO-s.

Në fund të muajit qershor në Baku, Azerbajxhan, zhvilloi punimet sesioni i 43-të i Komitetit të Trashëgimisë Botërore. Në këtë sesion më datë 5 korrik 2019, u miratua propozimi për shpalljen pasuri botërore të pjesës shqiptare të rajonit të liqenit të Ohrit, si zgjerim i pronës “Trashëgimia natyrore dhe kulturore e rajonit të Ohrit”, të ndodhur në territorin e Republikës së Maqedonisë së Veriut, të regjistruar në Listën e Pasurive Botërore që prej vitit 1979.

Durrës, 87 jahte dhe 3 kroçera me 938 turistë vetëm në qershor

on Thursday, 04 July 2019. Posted in Lajme

Kroçerat kanë sjellë në Durrës 938 turistë, kryesisht nga SHBA, Franca dhe Britania e Madhe.

 Durrës, 87 jahte dhe 3 kroçera me 938 turistë vetëm në qershor

 Nga Klotilda Saraçini

TIRANË, Korrik/ATSH/ – 87 jahte turistike të madhësive të ndryshme dhe 3 kroçera me turistë të huaj e kanë vizituar portin e Durrësit gjatë muajit qershor. Numri i tyre pritet të rritet gjatë dy muajve të ardhshëm edhe për shkak të vënies së kalatës 4 të portit në dispozicion të mjeteve turistike. Vetëm sot paradite në kalatën qendrore të portit janë ankoruar shtatë jahte turistikë, personeli i të cilave përveç shërbimeve portuale viziton edhe qendrat muzeale e historike të qytetit. 

Janar-qershor, 11.3% turistë më shumë se një vit më parë vizituan Shqipërinë

on Thursday, 04 July 2019. Posted in Lajme

Një destinacion turistik i njohur për shumë turistë nga shumë vende të botës

Janar-qershor, 11.3% turistë më shumë se një vit më parë vizituan Shqipërinë

 Nga Klotilda Saraçini 

TIRANË, 3 korrik/ATSH/- Shqipëria me bukuritë e saj natyrore, historike dhe kulturore vazhdon të mbetet atraksioni turistik i preferuar i turistëve të huaj dhe përgjatë 2019. Si një destinacion turistik i njohur për shumë turistë nga shumë vende të botës, Shqipëria gjithnjë e më shumë po bën për vete turistë dhe vizitorë të huaj, të cilët rezervojnë udhëtime turistike në qytete të ndryshme të Shqipërisë përgjatë sezonit veror dhe dimëror. Sipas shifrave të Ministrisë së Brendshme në 6 muajt e parë të vitit 2019 në Shqipëri kanë hyrë 2,13 milionë qytetarë të huaj, ose 11,3% më shumë sesa një vit më parë. 

UNESCO takim për mbrojtjen e trashëgimisë nënujore, Shqipëria për herë të parë në panelin kryesor

on Saturday, 22 June 2019. Posted in Lajme

Takim mbi mbrojtjen e trashëgimisë botërore nënujore

UNESCO takim për mbrojtjen e trashëgimisë nënujore, Shqipëria për herë të parë në panelin kryesor

Nga Klotilda Saraçini

TIRANË, ATSH/- Në qytetin e Brestit në rajonin e Bretanjës në Francë, nga 17-19 qershor u zhvillua takimi mbi mbrojtjen e trashëgimisë botërore nënujore organizuar nga UNESCO.

Ky takim ka mbledhur ekspertë, studiues dhe politikbërës nga e gjithë bota për të përcaktuar hapat dhe politikat mbrojtëse të pasurive botërore nënujore.

Në panelin kryesor të takimit krahas Ministrit të Kulturës të Francës dhe Drejtoreshës së Përgjithshme të Unesco-s është vendosur Auron Tare, kryetar i Këshillit Shkencor të UNESCO-s për pasuritë botërore nënujore.