Bazilika e Ladorishtit dëshmi e rrënjëve shqiptare

on Wednesday, 07 March 2012.

Zbulime të reja që forcojnë gjurmët e historisë

Bazilika e Ladorishtit dëshmi e rrënjëve shqiptare

Herë pas here do të sjellim në vëmendjen tuaj objekte të rëndësisë së veçantë, historike, kulturore arkeologjike apo të çdo lloji tjetër, që dëshmojnë për vlerat dhe rrënjët shqiptare, të shpërndara në të gjitha trevat, të cilat dëshmojnë autenticitetin dhe origjinën tonë. Njëra prej tyre është edhe bazilika e Ladorishtit, në Strugë të Maqedonisë, e cila dëshmon qartë origjinën e hershme të Arbërve, dhe rrënjët e fisit mesjetar shqiptar Gropaj. 

Bjeshkët e Rugovës - mirëse vini në mbretërinë e Natyrës

on Wednesday, 07 March 2012. Posted in Destinacione

Destinacion i mrekullueshëm në çdo stinë

Bjeshkët e Rugovës - mirëse vini në mbretërinë e Natyrës

Ndër destinacionet më të reja turistike të cila mund të hyjnë në listën e top destinacioneve kosovare, nuk mund të mos ju njohim me Bjeshkët e Rugovës, si një nga vendet më të bukura në Kosovë, ku mund të përjetoni përvoja të paharrueshme mes ajrit të pastër e natyrës që është treguar vërtet bujare me këtë vend. Ju mund ta vizitoni në çdo stinë këtë krahinë të mrekullueshme, duke qenë të sigurt për argëtimin tuaj, i cili fillon me shëtitjet në natyrë, me gjelbërimin marramendës, me ekspedita të gjata zbuluese të vendeve më të bukura, me shijimin e ushqimeve natyrale dhe mikpritjes së pashoqe, e përfundon me sportin e skive, që ju presin në zemër të dimrit, të rrëshqisni mbi shpatet e butë e të ashpër njëkohësisht.

Prizreni- mes mikpritjes e trashëgimisë

on Wednesday, 07 March 2012. Posted in Destinacione

Prizreni- mes mikpritjes e trashëgimisë

Një nga qytetet më të bukura e më karakteristike të Kosovës, një vepër e vërtetë arti, që dëshmon kulturën mesjetare, me origjinalitet të spikatur e stil të  hollë, është pikërisht Prizreni. Nuk do të kishte kuptim të vizitoni Kosovën, nëse nuk e keni vizituar edhe këtë qytet të ngrohtë, por edhe sikur, ju nuk do të mundeshit, pasi Prizreni është qyteti i parë që ju mirëpret, sapo kaloni kufirin e Shqipërisë përmes doganës së Morinës. Kur mund ta vizitoni? Qershori është momenti më i mirë  Por edhe pranvera është shumë e bukur jo vetëm në Prishtinë por edhe në Prizren.

Ksamili - në mbretërine e ishujve të magjishëm

on Wednesday, 07 March 2012. Posted in Destinacione

Parë në këndvështrimin above dhe underwater

Ksamili - në mbretërine e ishujve të magjishëm

Para se ta zgjidhnim Ksamilin si një destinacion të propozuar për numrin e parë të “Travel”, u menduam shumë të kuptuar nëse vazhdon të jetë tërheqëse apo e rekomandueshme kjo zonë, për shkak të ndërtesave të shumta e të rrëmujshme, që e kanë prishur disi peisazhin e mrekullueshëm të fshatit me ishuj, ku mijëra pushues vijnë verës për të shijuar gjiret e vegjël, plot bukuri e ngjyra marramendëse. Dhe akoma jemi në dilemë nëse duhet t’jua rekomandojmë. Por nëse ndodh kështu me atë çka shihni mbi ujë, nuk do kishim hezitim për botën nënujore të Ksamilit e të krejt gjirit të Sarandës. 

Odisea: Kayak ne Karaburun

Written by Gent Mati on Wednesday, 07 March 2012. Posted in Outdoor

Shënime udhëtimi nga ditari i Gent Matit

Odisea: Kayak ne Karaburun

Tentativa të dështuara

Prej disa vjetësh lundrimi i gadishullit të Karaburunit me kajak, qëndronte në listën personale të gjërave "për t'u bërë".  Im atë e kishte provuar të nisej  i vetëm dy herë, por nuk kishte mundur të shkonte shumë larg pasi sapo i qe afruar kepit të Gjuzës, deti i trazuar dhe era e kishin detyruar të braktiste këtë ndërmarrje. E njëjta gjë më ndodhi dhe mua gjatë tentativës së parë - kur një erë e beftë, ndryshoi brenda më pak se gjysëm ore "detin vaj" duke e shndëruar në ujëra vështirësisht të lundrueshme. Dallgët ngadalësojnë lundrimin dhe era e fortë të pengon sa herë që ngre lopatën për të rremuar, duke të ndryshuar drejtimin. Pas mbi dy orë rremimi agresiv të lodhshëm, fatmirësisht përfitova një "shëtitje" të papritur deri në Pashaliman, që u ofrua me bujari nga një patrullë e marinës ushtarake, efektivi i të cilës po shpërthente mina, pikërisht në plazhin ku unë parashikoja të zbarkoja, pranë gjirit të Shën Janit.