Error
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • Error loading component: com_zoo, 1
  • Error loading component: com_zoo, 1
  • Error loading component: com_zoo, 1
  • Error loading component: com_zoo, 1
  • Error loading component: com_media, 1
  • Error loading component: com_zoo, 1
  • Error loading component: com_users, 1

Articles in Category: Lajme

Shtohen shërbimet turistike për turistët e Vlorës - lind zyra e parë turistike private

on Friday, 16 February 2018. Posted in Lajme

Intours Vlora, një bashkëpunim i Intours Albania dhe Regina Group

Shtohen shërbimet turistike për turistët e Vlorës - lind zyra e parë turistike private
Sa herë që në turizëm lindin bashkëpunime të reja, terreni ku zhvillojnë aktivitetin këto kompani bashkëpunimi, merr një hov të ri zhvillimi. Por bashkëpunimet lindin edhe sepse piqen kushtet dhe rriten kërkesat. Kështu, zhvillimi i vazhdueshëm në tregun e Vlorës i Regina Group, me hotelet Regina Radhimë dhe Regina City, prodhoi nevoja të tjera si për shembull argëtimi i turistëve me aktivitete mes të cilave edhe ekskursionet turistike, shërbimet e informacionit dhe organizimi në përgjithësi i kohës së lirë. Nga përvojat e mëparshme dhe shëtitjet në det me anijen turistike Regina Blu, një shërbim i ofruar jo vetëm për klientët e hoteleve Regina por edhe për turistët e tjerë që vizitonin Vlorën, lindi nevoja e zgjerimit të këtyre shërbimeve, sidomos duke pasur parasysh edhe rritjen e standarteve përmes hotelit Regina City. 

"New York Times Travel Show", Shqipëria për herë të parë në një panair turizmi në Amerikë

on Saturday, 27 January 2018. Posted in Lajme

Tur operatori shqiptar Adriatik Tours LLC, nisma për koridore të reja turistësh në Shqipëri

Për herë të parë flamuri shqiptar shkëlqen në një panair turizmi në Amerikë. Ka nisur dje New York Travel Show, panairi më i madh i turizmit në USA, në vitin e tij të 15-të. Shqipëria është bërë pjesë e tij me anë të stendës së Adriatik Tours LLC, një tur operator shqipar i instaluar tashmë në Konektikat, Nju Jork, në përpjekjen për të hapur një koridor të ri me Amerikës dhe Shqipërisë, kësaj here jo thjesht për shkëmbime aktivitetesh diaspore por për të sjellë turistë në Shqipëri. Të pyetur nga Travel Magazine, drejtuesit e Adriatrik Tours pohojnë se megjithëse duket larg dhe një mision i pamundur, ka shumë kërkesë për të vizituar Shqipërinë. Ndaj dhe nisma e parë serioze dhe jo pak e kushtueshme e ketij operatori turistik guximtar ishte pjesëmarrja në Panairin e Nju Jorkut, si vendi më i përshtatshëm për të lidhur marrëveshjet e para të partneritetit. Suksese Adriatik Tours dhe shpresojmë që këtë verë të presim në Shqipëri turistët e parë të organizuar.

Projekti 100 fshatrat - më në fund, sytë tek turizmi rural dhe agroturizmi

on Monday, 15 January 2018. Posted in Lajme

Kryeministri tek "Mrizi i Zanave", shpall projektin më të ri për zhvillimin e agroturizmit

Projekti 100 fshatrat - më në fund, sytë tek turizmi rural dhe agroturizmi

Lajme të mira për turizmin në Shqipëri por sidomos lajme të mira për zonat rurale, që janë aktualisht edhe pjesa më e pazhvilluar e vendit, megjithëse mbartin një potencial të fuqishëm për zhvillimin e agroturizmit. Më në fund qeveria shqiptare po i kthen  sytë nga fshatrat, jo duke i parë thjesht si zona që duhen zhvilluar për të rritur mirëqenien por si qendra të ardhshme agroturistike.

Kryeministri Edi Rama ftoi në një takim fermerë dhe biznese agroturistike nga e gjithë Shqipëria, për t`i njohur me projektin “100 fshatrat”. Emra të njohur të biznesit turistik si Farma Sotira në Leskovik, Diella dhe Noshi në Vain, Nano Resort Dhe Uka Farm në Tiranë, Rapsodia në Shëngjin, Kantina “Kallmeti” në Zadrimë etj., ishin të pranishëm, mes të ftuarve të tjerë dhe ekipeve të ministrive.

Jo pa qëllim ky projekt i rëndësishëm u shpall pikërisht në Fishtë, tek Mrizi i Zanave, aty ka lindur dhe është zhvilluar modeli më i suksesshëm i agroturizmit në Shqipëri.

Kryeministri Rama e ka përgëzuar personalisht Altin Prengën, si një pionier të zhvillimit të kesaj dege të veçantë e shumë të rëndësishme të ekonomisë për Shqipërinë, një vend me natyrë zhvillimi që anon krejtësisht nga bujqësia, duke e quajtur “Mrizin” ekselencën e agroturizmit shqiptar.

Turizmi shqiptar "Verë 2018" - në qershor vjen çarteri i parë nga Moska

on Friday, 01 December 2017. Posted in Lajme

Nga data 21 qershor deri më 20 shtator, çdo javë një avion do të ulet në Rinas

Turizmi shqiptar
Tashmë është e konfirmuar: Vera e vitit 2018 do të sjellë në Shqipëri edhe turistët rusë, dhe jo si pjesë e tureve ballkanike apo kuturore por nëpërmjet paketave turistike të blera në vendin e origjinës, pra në Rusi. Duke filluar nga data 21 qershor 2018, e deri në datën 20 shtator 2018, një avion çarter me 210 vende do të niset drejtpërdrejt nga Moska e do ulet çdo javë në Rinas, për të hapur më në fund kështu koridorin e parë të sjelljes së turistëve rusë në Shqipëri.
Nëse deri verën e shkuar Shqipëria është zgjedhur përmes paketave turistike nga Polonia, Çekia, Sllovakia, Ukraina, Bjellorusia apo edhe vende të tjera rusishtfolëse, nuk kishte ndodhur ende që të vinin grupe të organizuara turistësh nga Rusia përmes Moskës, drejt e në Shqipëri.

Projekti agroturistik "Rruga e Verës dhe e Ullirit" në Shqipërinë e Mesme

Written by Flora Xhemani Baba on Friday, 17 November 2017. Posted in Lajme

Produktet e reja turistike që po lindin në zemër të Shqipërisë

Projekti agroturistik

Sot në Koridorin e Pallatit të Kulturës dhe në ambientet e Ministrisë së Bujqësisë u shpalos projekti Agroturistik "Rruga e Verës dhe e Ullirit" në Shqipërinë e Mesme, një projekt i Agjencisë Rajonale për Zhvillim (AZHR2) dhe mbështetur nga Ministria e Turizmit me pjesëmarrje të bashkive Tiranë, Shijak, Kavajë, Dibër e Vorë. Shqipëria e Mesme, kjo zonë e begatë kulturash bujqësore po kthehet me shpejtësi në një zonë të mirëfilltë agroturizmi, në gjirin e së cilës po rriten ferma, kantina, restorante e biznese të tjera me natyrë agroturistike që kanë krijuar një produkt të pastër turistik, siç është projekti "Rruga e Verës dhe e Ullirit”. Vizitorë të shumtë patën mundësi të shijojnë apo siç thuhet në gjuhën turistike “të degustojnë” shijet e veçanta të verërave shqiptare të Kantinave Belba Kavajë,Kantina Kokomani në Eminas, Shijak, Herta Maminas, Duka, Vila Shehi, Kantina Dervishi, “Gjergj Kastrioti” etj., si dhe të shijojnë janin e ullirit të shumë kompanive që kanë shtrirë tashmë aktivitetin e tyre në këtë zonë.