Articles in Category: Reportazh

Akoma nuk keni shkuar në Prespë? Me siguri po prisni shtatorin.

Written by Flora Xhemani Baba on Sunday, 01 September 2019. Posted in Reportazh

Shijoni një fillimvjeshtë të paharruar nëpër mrekullitë e parkut kombëtar më të bukur të Juglindjes!

Akoma nuk keni shkuar në Prespë? Me siguri po prisni shtatorin.
Shqipëria është aq e vogël dhe aq e larmishme! Aq e bukur dhe aq e veçantë! Ka aq shumë për të ofruar dhe e njohim aq pak nga afër! Sepse të gjithë dyndemi në të njëjtat vende dhe refuzojmë me kokëfortësi të hedhim sytë nëpër thesare që nuk kanë nevojë fare të zbulohen se janë sheshit.
A keni qenë ndonjëherë në Prespë? Është vetëm dyzet kilometra larg nga Korça, me rrugë të asfaltuar deri në Liqenas, apo Pustec, përgjatë të cilave do t`ju shoqërojë një natyrë e paqtë e larg kaosit të trafikut, sa do ta ndjeni veten në një botë tjetër. Është plazhi që mendoni se i mungon Korçës, për të plotësuar arratisjen ideale drejt të panjohurës, mistikes, aventurës, natyrës, që bëhen bashkë për t’ju dhuruar një ditë jo vetëm ndryshe por edhe të paharrueshme.

PËRMET MOS E VET*

on Thursday, 24 January 2019. Posted in Reportazh

Qyteti, i cili përveç detit, ka gjithçka tjetër

PËRMET MOS E VET*

Nga Kastriot Faci


SHQIP
Kjo ishte shprehja që nuk na u nda nga goja gjatë të gjithë kohës, që nga momenti i hyrjes në qytetin Përmetit, e derisa u kthyem në Shkodër. Kjo është shprehja që Sala, një nga shokët e mi e thoshte si me humor, por që për mua kjo shprehje ka shumë kuptim. Sapo jam kthyer nga vizita ime e dytë në Përmet, të mirëquajturin qyteti i trëndafilave, vizitë që e realizova me miqtë e mi më të ngushtë, pas katër vjetësh nga hera e pare që isha aty. Kujtoj që para katër vjetëve trotuaret ishin akoma me pllakat e sistemit komunist e më pati mbetur ndërmend gjatë edhe sllogani i qytetit, “Përveç detit, kemi gjithçka tjetër”. Por në atë kohë nuk shiheshin gjëkundi vizitorët e turistët.

South Outdoor Festival “Vuno 2018” rikthen shkëlqimin e perlave të Jugut

Written by Flora Xhemani Baba on Friday, 04 May 2018. Posted in Reportazh

Festivali që vjen për të dytin vit, çeli edhe sezonin turistik në Himarë

South Outdoor Festival “Vuno 2018” rikthen shkëlqimin e perlave të Jugut

Më shumë se pesëmijë ishin ata që iu përgjigjën ftesës së organizatorëve të edicionit të dytë të South Outdoor Festival, i cili këtë herë zuri vend mes ullinjve e shtëpive magjike të Vunoit, fshatit më të bukur të gjerdanit të perlave arkitektonike të Himarës.

Ishin sërish tri ditë të mbushura me adrenalinë, prej larmisë së pashoqe të aktiviteteve që zunë vend në sheshin e Festivalit por gjithashtu edhe përqark tij, në disiplina të ndryshme sportesh e sektoresh turistike. Kalendari i pasur i tureve dhe programit të gjatë të SOF 2018, që zuri vend nëpër faqet e internetit e të rrjeteve sociale, u prenotua i gjithi dhe sekush pati mundësinë të zgjidhte mes ekskursioneve në natyrë, sporteve të ndryshme, aktiviteteve të lira, lojrave të shumta, apo edhe risive të këtij festivali, tureve kulturore dhe atyre të ushqimit.

"South Outdoor Festival", Pilur 2017, një rikthim te “gjyshja në fshat”

on Thursday, 26 April 2018. Posted in Reportazh

Një festival traditash që po kthehet në traditë

Eraldo Rexho
 
Kur merr të përpjetën e kodrave mbi Himarë për në "South Outdoor Festival" që u organizua këtë vit për herë të parë nga programi “Zhvillimi i Integruar dhe i Qëndrueshëm i Rajonit Bregdetar Jugor” i implementuar prej GIZ në Shqipëri, lë peshën e lodhjes e stresit, mundimet e rrugës dhe i jep krahë vetes për një aventurë. Programi i prezantuar në faqen zyrtare të festivalit premton tri ditë të mbushura plot me aktivitete, aq sa të duket e vështirë të gjesh kohën për të pushuar, sidomos ata që kishin rezervuar biletën e pjesëmarrjes në më shumë se tre sporte.

Tri ditë fshatare rreth Liqenit të Dritës

Written by Irhan Jubica on Sunday, 17 September 2017. Posted in Reportazh

Nga Tushemishti në Voskopojë e Moravë e nga Republika e Vevçanit në Elshanin e gomarëve

Tri ditë fshatare rreth Liqenit të Dritës
Në Voskopojën e Shenjtë
Mëngjesi i 18 Shkurtit na gjeti buzë liqenit më të vjetër të Europës, e ndonëse dita ishte e kthjellët, reflektimi i diellit në dëborën e maleve përreth nuk arrinte të kthehej në ngrohtësi, por vetëm në dritë, në shumë dritë.
Ishte një nga 300 ditët me diell të Liqenit të Dritës.
Tymi i druve të zjarrit nga oxhaqet e shumtë thoshte se qyteti qe zgjuar herët, por vetëm 4-5 veta dukeshin në bulevardin buzë shtatoreve të Lasgushit e Mitrushit, ku gjuhët e dallgëve ende zgjateshin përtej bregut ranor. Është vetëm gjysma e një grupi gazetarësh që Partners Albania ka ftuar për të vëzhguar nga afër potencialin e turizmit alternativ në juglindje të Shqipërisë dhe në jugperëndim të Maqedonisë. Pjesa tjetër e ka marrë me nge kafenë e mikpritjes pogradecare.