Articles in Category: Lajme

Numri i ri i revistës Travel është plot me Vjeshtë dhe thesare....

on Sunday, 05 November 2017. Posted in Lajme

Shijoni përmes titujve një përmbajtje të pasur në plot 112 faqe!

Numri i ri i revistës Travel është plot me Vjeshtë dhe thesare....
Të dashur lexues!
E keni vënë re që sa herë vjen vjeshta, shtohet dëshira për udhëtime në natyrë? Si të thuash, duke qenë se përgjithësisht e mbyllim historinë me detin, mendja të shkon tek lojrat e mrekullueshme që vjeshta bën me natyrën dhe tek bukuritë e pafundme që kemi nëpër të gjithë Shqipërinë. Dhe në fakt në këtë periudhë kemi udhëtuar vërtet shumë, për t`ju sjellë më të mirën e vjeshtës që ofron Shqipëria, kemi qenë nëpër bujtinat zemërbardha të Veriut, ku mikpritja të përlot, kemi shijuar zahiretë dhe atmosferën magjike të Juglindjes, kemi shijuar Vlorën ndryshe, ju kemi ofruar një Sarandë vjeshtore, një Berat 2400 karatësh, kemi sjellë përvojat e jashtëzakonshme të bashkëpunëtorëve tanë që si asnjëherë tjetër, kanë qenë pjesë aktivitetesh kombëtare e ndërkombëtare vërtet të rralla. E siç mund të kuptohet, duke qenë se vjeshta është edhe stina e begatë e ushqimit të mirë, ju kemi ofruar si rrallëherë një buqetë përvojash gastronomike të parezistueshme. Nuk e teprojmë po të themi se ky numër i Travel Magazine është vërtet i begatë, mos ngurroni t`ia shijoni frytet!

Albania - the hidden treasure, discovered from the trails of Global Limits

on Thursday, 21 September 2017. Posted in Lajme

Albania Adventure dhe Global Limits përshkojnë shtigjet e panohura të Shqipërisë

Albania - the hidden treasure, discovered from the trails of Global Limits

Nga data 10-15 Shtator nën organizimin e Global Limits & Albania Adventure, 60 vrapues profesionistë nga 27 vende të botës, u mblodhën në Shqipëri për të marrë pjesë në Ultra Maratonen e quajtur "Global Limits Albania – The Hidden Treasure".
Duke u nisur nga qyteti i Beratit me një itinerar 220 km, i ndarë në 6 etapa, gara përshkroi zona të panjohura dhe magjepsëse të natyrës shqiptare, përfundoi në teatrin antik të Parkut Kombëtar të Butrintit.

“Di një vend” në Shqipërinë e bukur, është Kepi i Rodonit

Written by Flora Xhemani Baba on Thursday, 31 August 2017. Posted in Lajme

Dy ditë festë nëpër bukuritë e natyrës dhe trashëgimisë në Rodon

“Di një vend” në Shqipërinë e bukur, është Kepi i Rodonit
Nën moton e veçantë “Di një vend”, e cila lindi jo aq rastësisht por si një shkëndijë mes qindra udhëtimeve e fotove të bukura nëpër Shqipëri, Klubi “Discover Albania”, shpalli një aktivitet dy-ditor, për të vizituar një prej vendeve më të bukura e më interesante në Shqipëri, Kepin e Rodonit. Ishte një aktivitet i konceptuar si një festë e madhe në natyrë, që zgjati dy ditë e një natë, pikërisht në datat 25 dhe 26 Gusht, ku organizatorët ftuan edhe kompani të tjera që ushtrojnë aktivitetin e tyre me sporte në natyrë, që festa të bëhej sa më e larmishme dhe interesante. 

South Outdoor Festival 2017, mënyra më e mirë se si mund të zhvillohet turizmi në Shqipëri

Written by Flora Xhemani Baba on Wednesday, 03 May 2017. Posted in Lajme

Tri ditë aventurash turistike në Pilur, organizuar nga Bashkëpunimi Teknik Gjerman GIZ

South Outdoor Festival 2017, mënyra më e mirë se si mund të zhvillohet turizmi në Shqipëri
Që Shqipëria është e mbushur nga Veriu e deri në Jug me bukuri të pashoqe, në daç natyrore, në daç kulturore, në daç historike, këtë tashmë nuk ka njeri që nuk e di. Që jo vetëm nga krahina në krahinë por edhe nga qyteti në qytet e nga fshati në fshat, traditat, zakonet e ushqimet janë aq të larmishme  sa të lenë pa fjalë, edhe këtë bësoj se e dinë të gjithë ata që pëlqejnë të udhëtojnë e të përjetojnë përvoja të reja. Por që t`i ofrosh të gjitha këto në një festival të vetëm, si një ansambël ngjyrash, formash, ndjesish, përvojash, aventurash, ngjarjesh, aktivitetesh, festash e shijesh, kjo ndodhi vetëm me South Outdoor Festival “Pilur 2017”, Një festë e stërmadhe turistike për të cilën Bashkëpunimi Teknik Gjerman Giz punoi  më tepër se gjashtë muaj.

Përfundon me sukses projekti "Si të bëhemi një udhërrëfyes i mirë turistik"

on Wednesday, 05 April 2017. Posted in Lajme

Shoqata Kulturore "Gruaja" organizoi një Trajnim 2-ditor për turizmin dhe udhërrëfyesit turistikë

Përfundon me sukses projekti
Departamenti i Studentëve pranë Shoqatës Kulturore “Gruaja” organizoi për të parën herë një trajnim mbi turizmin dhe angazhimin e rinisë në këtë sektor të ve­çantë të ekonomisë shqiptare.
Në datat 3 dhe 4 prill 2017, u zhvillua trajnimi “Si të bëhem një udhërrëfyes turistik i mirë”, në ambientet e hotel “Monarc” në Tiranë. Në këtë trajnim morën pjesë dhjetëra studente dhe studentë të fakulteve të ndryshme, të interesuar pas fushës së turizmit.